Regjistrimi për takim për parashtrim të kërkesës në ambasadë është falas dhe i rëndomtë. Autorizimi i një pale të tretë për të rezervuar një takim nuk është as i nevojshëm dhe as i arsyeshëm. Për sigurinë tuaj, mos përdorni shërbimet e ndërmjetësve dhe adresat e tyre të e-mailit për të rezervuar një takim. Nëse për shkak të kësaj do të humbet termini juaj, do të duhet që përsëri të regjistroheni.

Ambasada nuk punon me asnjë agjenci, ndërmjetës apo ndonjë agjenci udhëtimesh. Ofruesit e këtillë nuk disponojnë me kuota ekskluzive apo qasje për caktimin më të shpejtë të takimeve.

Nuk ekziston mundësia që ambasada të ndalojë këto agjenci për të regjistruar të dhënat tuaja apo t'i anulojë këto regjistrime.

Ju lutemi mos i dërgoni Zyrës së vizave dokumente që nuk kërkohen – veçanërisht jo para se të parashtroni kërkesën. Këto dokumente nuk mund të ruhen dhe/ose të sistemohen.

Fletë-informacionet me lista të të gjitha dokumenteve të nevojshme për parashtrimin e kërkesës për kategori përkatëse të vizave mund t’i gjeni këtu.

Parashtrimi i kërkesës tek ofruesi zyrtar i shërbimeve VisaMetric

• Punësim sipas Rregullores për Ballkanin Perëndimor
• Shoferë profesionistë (Autobus & kamion)
• Punëtorë të kontraktuar
• Punëtorë të anijeve të ujërave vendore

Parashtrimi i kërkesës për kategoritë e vizave të përmendura më lart bëhet tek operatori i jashtëm i shërbimeve VisaMetric (Visa Application Center – VAC). Vendimi për kërkesat i takon vetëm Ambasadës gjermane. Takimet për parashtrimin e kërkesës për vizë rezervohen drejtpërdrejtë në faqen e internetit të VisaMetric. Në faqen e internetit të VisaMetric mund të hyni këtu.

Për shërbimet nga VisaMetric, përveç tarifës për vizë prej 75,00 €, duhet të paguhet edhe një tarifë shërbimi në shumë prej 37,50 €. Kjo duhet të paguhet te VisaMetric me para të gatshme në denarë.

Parashtrimi i kërkesës në Ambasadë

Kërkesa për kategoritë e mëposhtme të vizave mund të parashtrohet drejtpërdrejtë në ambientet e Ambasadës gjermane në Shkup:

Bashkim familjar
Në kuadër të bashkimit familjar, në mënyrë të drejtpërdrejtë mund të zgjidhni një takim. Nuk ka listë pritjeje për të caktuar takim.

Pasi të keni zgjedhur takimin dhe të jeni regjistruar me sukses, do t’ju dërgohet një e mail konfirmimi, në të cilin do të gjeni të gjitha detajet e takimit tuaj. Ky e mail do t’ju dërgohet në adresën e e mailit që e keni dhënë gjatë regjistrimit. Më pas nuk mund të bëhet më ndryshimi i  kësaj adrese të e mailit.

Ju lutemi që për çdo anëtar të familjes të kërkoni një takim të veçantë. Takimet aktivizohen gjashtë javë përpara.

Ju lutemi ta keni parasysh se vetë regjistrimi në sistemin e rezervimit të takimeve akoma nuk nënkupton se është parashtruar kërkesa për vizë. Për të parashtruar kërkesën në afatin e duhur ju lutemi kontaktoni Zyrën e vizave drejtpërdrejtë me e mail.

Takimet mund të rezervohen në linkun e mëposhtëm.

Punësimi si punëtor i kualifikuar, Karta e mundësive, Analiza e kualifikimit dhe punësimi me përvojë të shquar profesionale, Arsimim dhe trajnim i mëtejshëm profesional si dhe për të kërkuar një vend për trajnim profesional, Studime & Për të kërkuar një vend studimi
Për këto qëllime qëndrimi, fillimisht përgatitni kërkesat tuajaonline nëpërmjet Portalit për shërbime konsullore (Auslandsportal).

Në Portalin shërbime konsullore kërkesa juaj do të kontrollohet paraprakisht nga Zyra e vizave.

Pasi të keni krijuar profilin tuaj personal, të keni plotësuar formularin e kërkesës dhe t’i keni ngarkuar dokumentet mbështetëse, do të merrni një informatë kthyese të drejtpërdrejtë nga Zyra e vizave. Ju do të keni një mbështetje individuale gjatë përpilimit dhe përgatitjes së dokumenteve tuaja.

Sapo kërkesa juaj të jetë e plotë, do të keni mundësinë të regjistroheni për datën e dëshiruar për termin. Kur do të vini personalisht në terminin e caktuar, do të duhet të sillni vetëm dokumentet dhe certifikatat që kërkohen në chek-listën e individualizuar, të cilat duhet të dorëzohen në origjinal.

Dublikate apo kopje të dokumenteve tuaja nuk do të jenë më të nevojshme.

Linkun drejt Portalit për shërbime konsullore mund ta gjeni këtu.

Punësime të tjera, qëndrime me qëllime arsimore dhe qëllime të tjera të qëndrimit
Në mënyrë të drejtpërdrejtë mund të zgjidhni takimin e dëshiruar. Nuk ka listë pritjeje për të caktuar takim.

Edhe këtu vlen: Ju lutemi kontrolloni të dhënat tuaja personale para rezervimit të takimit. Do t’ju dërgohet një e-mail konfirmimi në adresën tuaj që e keni shënuar. Pas rezervimit të takimit nuk mund të bëhet më ndryshimi i të dhënave tuaja.

Mes tjerash, në këtë kategori bien qëllimet e mëposhtme të qëndrimit:

• Praktikë
• Au-Pair (babysitter/dado)
• Shërbim vullnetar
• Kërkim shkencor
• Punësim me njohje të arsimit profesional
• Vetëpunësim dhe Profesionist i lirë
• Rihyrje/rikthim
   

Takimet mund të rezervohen në linkun e mëposhtëm.

Punësim afatshkurtër me kontingjent
Në mënyrë të drejtpërdrejtë mund të zgjidhni takimin e dëshiruar. Nuk ka listë pritjeje për të caktuar takim.
Takimet mund të rezervohen në linkun e mëposhtëm. 

Procedurë e përshpejtuar për punonjës të kualifikuar
Parashtruesit e kërkesës në procedurën e përshpejtuar për punonjës të kualifikuar sipas § 81a të Ligjit për qëndrim, marrin një termin drejtpërdrejtë nga Përfaqësia diplomatike. Regjistrimi në sistemin e rezervimit të takimeve nga ana e parashtruesit të kërkesës nuk është i domosdoshëm.

Pasi të jeni regjistruar, do të merrni një e-mail konfirmimi për regjistrimin tuaj.
Ju lutemi kontrollojeni rregullisht dosjen tuaj SPAM.

Parashtruesit të kërkesës nuk do t’i lejohet qasja në Zyrën e vizave në rast se ai paraqitet pa një takim të rezervuar ose jashtë kohës së një takimi të konfirmuar.