Për të parashtruar kërkesë për vizë kombëtare duhet të rezervoni një takim. 

Në rast se dëshironi të parashtroni kërkesë për Vizë Schengen ju mund të paraqiteni drejtpërdrejtë, pa rezervuar takim, nga e hëna deri të enjten, prej orës 08:00 deri në orën 09:00. 
 

Informacione të hollësishme rreth rezervimit të një takimi për një vizë për qëndrim afatgjatë mund të gjeni këtu. 

Rezervimi i takimit për bashkim familjar bëhet përmes portalit për takime të Ambasadës. 

Ju lutemi vini re, se për çdo anëtar të familjes duhet të rezervohet një termin i veçantë. Kjo vlen edhe për fëmijët e mitur. Çdo parashtrues i kërkesës për vizë duhet të paraqitet personalisht gjatë parashtrimit të kërkesës. 

Takimet për të parashtruar kërkesë për vizë sipas Rregullores së Ballkanit Perëndimor caktohen drejtpërdrejtë me ofruesin tonë zyrtar të shërbimeve, VisaMetric. Më shumë informacione rreth kësaj mund të gjeni këtu. 
 

Aktualisht nuk ka kohë pritjeje. Mund ta rezervoni një takim drejtpërdrejtë.

Fatkeqësisht, nuk është e mundur të ndryshoni më pas të dhënat bazë që keni vendosur gjatë regjistrimit të takimit. Prandaj, veproni me kujdesin më të madh gjatë regjistrimit dhe sigurohuni që ta mbani adresën tuaj të e-mail-it dhe fjalëkalimin të pandryshuar derisa të përfundojë procesi i kërkesës për vizë.

Ju lutemi, fillimisht ta anuloni takimin nëpërmjet link-ut në konfirmimin e regjistrimit tuaj dhe regjistrohuni përsëri për një termin me të dhënat e sakta.
 

Në rast se nuk keni qasje në e-mail-in e konfirmimit të regjistrimit, ju lutemi na i dërgoni të dhënat e mëposhtme në konsulat@skop.diplo.de:
- Emri dhe mbiemri
- Kopje të pasaportës
- Numri i regjistrimit

Ne e anulojmë regjistrimin tuaj. Ju do të merrni një konfirmim përmes e-mail-it dhe pastaj mund të regjistroheni përsëri për një takim.
 

Ju lutemi fillimisht të kontrolloni dosjen Spam dhe sigurohuni që e-mail-et e klasifikuara si Spam të mos fshihen menjëherë. Nëse e-mail-i i konfirmimit nuk është as aty, atëherë ka gjasa që e keni dhënë adresën tuaj të gabuar të e-mail-it.

Në këtë rast ju duhet të rezervoni një takim të ri duke dhënë një adresë aktive të e-mail-it. Paraprakisht duhet të anulohet regjistrimi i vjetër me adresën e gabuar të e-mail-it. (Shih pyetjen: Nuk kam qasje në e-mail in tim të konfirmimit të regjistrimit, çfarë mund të bëj?). 
 

Ju lutemi regjistrohuni personalisht për një takim në Ambasadë. Regjistrimi është pa pagesë dhe i rëndomtë.

Angazhimi i personave të tretë për rezervimin e një takimi nuk është as i nevojshëm dhe as i arsyeshëm. Ambasada në Shkup nuk bashkëpunon as me agjenci turistike apo zyrë avokatie e as me ndonjë ofrues tjetër komercial ose privat. Ata nuk kanë ndonjë privilegj. 

Përfaqësia diplomatike bashkëpunon vetëm me ndërmarrjen VisaMetric si ofrues i vetëm i shërbimeve për pranimin e kërkesave për vizë për kategoritë vijuese:  punëtorë të kontraktuar, punësim në sektorin e transportit me anije, shoferë profesionistë dhe kërkesave sipas Rregullores për Ballkanin Perëndimor.
 

Në rast se nuk jeni paraqitur në takimin e caktuar, mund të rezervoni një takim të ri, shih „Si të rezervoj një takim?“ 

Në takimin e caktuar ju lutemi sillni me vete dokumentet vijuese:

• Një formular kërkesë për vizë të plotësuar dhe të nënshkruar
• Të gjitha dokumentet e renditura në fletë-informacionin përkatës (sipas nevojës në origjinal) me një kopje
• Tarifa e vizës në bazë të fletë-informacionit

Zgjidhni në Vizat dhe hyrja fletë-informacionin e duhur për qëllimin tuaj të qëndrimit dhe në mënyrë të plotë përgatitni dokumentet e renditura në të.

Ju lutemi ta keni parasysh se do të mund të përpunohen vetëm kërkesat e plota me të gjitha dokumentet e renditura në fletë-informacion. Kërkesat e paplota mund të çojnë në refuzimin e vizës, ndërsa përjashtohet kthimi i tarifës së vizës.

Për disa kategori të kërkesave parashtrimi i kërkesës është i mundur edhe përmes Portalit për shërbime konsullore. Pas shqyrtimit paraprak të kërkesës suaj të dorëzuar online, në takimin e caktuar do të duhet t’i sillni vetëm dokumentet origjinale, t’i dorëzoni të dhënat tuaja biometrike dhe të paguani tarifën e vizës.
 

Ju lutemi ta plotësoni formularin e kërkesës për vizë online dhe ta sillni të printuar.

Këtu mund t’i  plotësoni formularët për vizë kombëtare.
Këtu mund t’i plotësoni formularët për vizë Schengen.

Në rast se parashtroni kërkesë përmes Portalit për shërbime konsullore, formularin e kërkesës për vizë mund ta plotësoni drejtpërdrejtë në Portalin për shërbime konsullore. 
 

Tarifa për kërkesat për vizë Shengen (qëndrime nën 90 ditë) është 90.00 Euro. Për të miturit, tarifa është 45.00 Euro. Kërkesa për fëmijë deri në 6 vjeç është pa pagesë.

Tarifa për vizë kombëtare (qëndrime mbi 90 ditë) është 75,00 Euro. Për të miturit, tarifa është 40,00 Euro.

Tarifat paguhen me para të gatshme në bankënota EURO ose me kartë krediti drejtpërdrejtë në Zyrën e vizave gjatë parashtrimit të kërkesës për vizë.

Në rast se kërkesën e parashtroni përmes VisaMetric, do ta paguani tarifën e vizës si dhe një tarifë plotësuese për përpunimin e dokumentacionit në VisaMetric. Përveç kësaj, në baza vullnetare, kundrejt një pagese plotësuese mund të merrni edhe shërbime tjera shtesë.  
 

Shtetasit maqedonas mund të kërkojnë vizë në Ambasadën Gjermane në Shkup vetëm nëse janë me vendbanim të rregullt në Republikën e Maqedonisë së Veriut. Nëse tashmë jeni me vendbanim të rregullt në Gjermani (p.sh. edhe në rast të pezullimit të përkohshëm të dëbimit – Duldung), përgjegjëse për Ju është Zyra përkatëse për të huaj (Ausländerbehörde) në Gjermani, dhe në rast të tillë nuk mund të lëshohet një vizë hyrëse. Nëse vendbanimi Juaj i rregullt është në ndonjë shtet tjetër, ju lutemi kontaktoni Përfaqësinë Diplomatike Gjermane në atë shtet. 

Shtetas nga vendet e treta kanë të drejtë të aplikojnë për vizë në Zyrën e vizave të Ambasadës në Shkup vetëm nëse posedojnë leje të vlefshme për qëndrim në Republikën e Maqedonisë së Veriut.
 

Varësisht nga kategoria e vizës, ju do ta dorëzoni kërkesën tuaj për vizë si më poshtë:
•    Tek ofruesi ynë i jashtëm i shërbimeve VisaMetric 
•    Në Zyrën e vizave ose në Ambasadën Gjermane në Shkup 
•    Online përmes Portalit për shërbime konsullore (nuk e zëvendëson paraqitjen personale për marrjen e të dhënave biometrike dhe për të paguar tarifën e vizës)

Për të mësuar se si të rezervoni një takim dhe si të dorëzoni kërkesën, ju lutemi lexoni fletë informacionin përkatës.
 

Nëse e dorëzoni dokumentacionin e plotë dhe në formë e duhur, dukshëm do të shkurtohet koha e shqyrtimit të kërkesës suaj.

Ambasada nuk mund të japë informacion të saktë për kohëzgjatjen e shqyrtimit, pasi kjo varet nga disa faktorë: nga përgatitja e plotë e dokumenteve të dorëzuara, qëndrimet e mëparshme në Gjermani ose vende të tjera në vendet e Schengen-it, si dhe nga nevoja për përfshirjen e autoriteteve gjermane (Zyra për të huaj (Ausländerbehörde), Agjencia Federale e Punësimit).

Koha e rëndomtë e shqyrtimit të vizave kombëtare është rreth 8-12 javë. Ju lutemi të përmbaheni nga parashtrimi i pyetjeve para se të skadojë ky afat.

Koha e rëndomtë e përpunimit të vizave Schengen është rreth 1-2 javë. Ju lutemi të përmbaheni nga parashtrimi i pyetjeve para se të skadojë ky afat.
 

Ju lutemi të keni mirëkuptim që pyetjeve në lidhje me statusin e kërkesës suaj nuk do t’iu përgjigjemi gjatë 12 javëve të para pas dorëzimit të kërkesës. Pas kësaj vlen: do të përgjigjen vetëm pyetjet e parashtruara nga vetë parashtruesi i kërkesës, përfaqësuesi i tij ligjor ose një person i cili është autorizuar me shkrim nga parashtruesi i kërkesës. Kërkesa për statusin e shqyrtimit të lëndës mund të bëhet vetëm duke e dërguar emrin dhe mbiemrin dhe datën e lindjes së parashtruesit të kërkesës.

Për arsye të mbrojtjes së të dhënave, informacione konkrete lidhur me statusin e lëndës, për fat të keq nuk mund t’u japim palëve të treta, pa autorizimin e duhur.  Të drejtë informacioni kanë vetëm parashtruesit e kërkesës dhe personat e autorizuar me shkrim.

 

Na dërgoni vetëm dokumentet që kërkohen nga Ju për procedurën e vizave. Dokumentet që nuk janë kërkuar do të asgjësohen ose fshihen. Ato nuk mund të ruhen për procedurat e mëvonshme të vizave.

Gjatë dorëzimit të kërkesë në sportel, ose më vonë përmes e-mail-it, do të informoheni nëse dokumentet plotësuese që kërkohen duhet t’i paraqitni personalisht ose përmes e-mail-it. 
 

Në rast se ju ka humbur leja juaj e qëndrimit ose ka skaduar para pak kohe dhe aktualisht jeni në Maqedoninë e Veriut, mund të bëni kërkesë për vizë për rihyrje. Për ta bërë këtë, mund ta rezervoni drejtpërdrejtë një takim. 

Në rast urgjence, dërgojeni numrin tuaj të regjistrimit (Referenznummer), fotokopjen e lejes së qëndrimit, certifikatën e vendbanimit dhe mundësisht një miratim paraprak (Vorabzustimmung) nga Zyra për të huaj, në konsulat@skop.diplo.de, me qëllim që të përshpejtohet  procedura. 

Informacione plotësuese mund të gjeni në fletë-informacionin përkatës.

Ju mund ta vërtetoni daljen nga Republika Federale e Gjermanisë, me atë që vërtetimin për kalimin e kufirit do ta dorëzoni personalisht në Zyrën e vizave në një ditë pune nga e hëna deri të enjten ndërmjet orës 14:00 dhe 15:00 (pa caktuar takim).

Për ta bërë këtë ju duhen si më poshtë:
-    Vërtetimi për kalimin e kufirit
-    Pasaporta në origjinal dhe një kopje e faqes me fotografi
-    Një kopje të vulës së daljes në pasaportë

Në rast se nuk keni vërtetim për kalimin e kufirit, Ambasada mund të lëshojë një vërtetim konsullor kundrejt një tarife.

Informacione të hollësishme mund të gjeni këtu.
 

Shpenzimet e jetesës zakonisht verifikohen nga Zyra për të huaj (Ausländerbehörde). Megjithatë, ka disa kategori vizash për të cilat kërkohet medoemos dëshmi gjatë parashtrimit të kërkesës. Nëse është ashtu, mund të kuptohet nga fletë-informacioni përkatës.

Gjatë parashtrimit të kërkesës, në bisedë e sipër verifikohet zotërimi i njohurive të gjermanishtes në përputhje me certifikatën e paraqitur. Në procedurën e vizës, certifikatat e gjuhës pranohen, nëse në momentin e parashtrimit të kërkesës nuk janë më të vjetra se një vjet. 

Gjatë parashtrimit të kërkesës certifikata e gjuhës duhet të dorëzohet në origjinal dhe një kopje.

Informacione të hollësishme në lidhje me dëshminë mbi njohuritë e gjuhës gjatë procedurës së vizave mund të gjeni këtu. 
 

Xhirollogaria e bllokuar shërben për të dëshmuar se dispononi mjete për shpenzimet e jetesës. Shpenzimet e jetesës mund të dëshmohen gjatë procedurës së parashtrimit të kërkesës për vizë duke hapur një xhirollogari të bllokuar (Sperrkonto).  Ju jeni të lirë për të zgjedhur ofertuesin. Informacione të hollësishme për hapjen e një llogarie të bllokuar në Gjermani mund të gjenden në  faqen e internetit të Ministrisë së Jashtme Federale të Gjermanisë këtu. 

Në rast se parashtruesi/ja i/e kërkesës nuk ka mjete të mjaftueshme financiare, është e mundur që një person i cili jeton në Gjermani, sikur një i afërm, dikush që e njeh apo edhe një kompani apo institucion, të obligohet për të ofruar mbështetje financiare. Ky person apo organizatë duhet të jetë në gjendje të dëshmojë për shpenzimet e tij/të saj të jetesës. Marrja përsipër e këtij detyrimi bëhet në formë të një Letër garancioni. Letra e garancionit (Verpflichtungserklärung) lëshohet zakonisht nga Zyra për të huaj, respektivisht nga autoriteti përkatës në vendin e banimit në Gjermani.

Qytetarët e Maqedonisë së Veriut mund të qëndrojnë në zonën e Schengen-it deri në 90 ditë pa vizë brenda 180 muajve. Sa herë që hyni në Zonën Schengen, në kufi llogaritet se sa kohë keni qëndruar në një ose më shumë vende të zonës Schengen në 180 ditët e fundit. Këtij numri i shtohen ditët e qëndrimit të planifikuar. Numri i përgjithshëm nuk duhet të kalojë 90-ditëshin. 

Këtu mund t’i  llogaritni pa pagesë ditët e qëndrimit.

Viza Schengen nuk e shton numrin e ditëve të qëndrimit.
 

Ju lutemi na shkruani një e-mail në konsulat@skop.diplo.de me të dhënat e mëposhtme:

-    Emrin dhe mbiemrin tuaj
-    Datën e lindjes

Ambasada do t’ju dërgojë një e-mail me informacionet e duhura për t’ua kthyer pasaportën.
 

Pyetjet në lidhje me çështjet e vizave në përgjithësi marrin përgjigje përmes e-mail-it. Ju lutemi lexoni informacionet në faqen tonë të internetit dhe në fletë-informacionet përkatëse përpara se të na kontaktoni.

Formulari i kontaktit 
Telefoni: +389 2 309 39 00
Faksi: +49 30 1817 67272
 

Pasaporta juaj mund të merret nga një person i autorizuar. Autorizimi mund të formulohet në mënyrë joformale me nënshkrimin e kërkuesit. 

Ju lutemi vini re si më poshtë:

Shtetasit e huaj duhet të hyjnë në Gjermani me vizën e duhur në përputhje me § 5 Paragrafi 2 Nr. 1 nga Ligji për qëndrim (AufenthG).

Kjo do të thotë se nëse kërkuesi aktualisht qëndron në Gjermani pa vizë, hyrja me vizë kombëtare është e nevojshme për të justifikuar një qëndrim afatgjatë.

Zyra për të huaj mund të refuzojë lëshimin e një leje qëndrimi për shkak të mungesës së dëshmisë së hyrjes pasi viza është lëshuar, ose mund t'i kërkojnë parashtruesit të kërkesës që fillimisht të largohet nga vendi nëse hyrja nuk ka ndodhur pasi viza është lëshuar.

Ambasada nuk mund të zbulojë për ju nëse ka një ndalim hyrjeje kundër jush ose të lehtësojë heqjen e një ndalimi aktual.

Informacione mbi procedurën e saktë mund të gjeni këtu.