На 12 јуни г. амбасадорот на Сојузна Република Германија Томас Герберих директорот на средното стручно училиште „Ѓорѓи Наумов“ г-дин Владимир Роме, и градоначалничката на општина Битола, г-а Наташа Петровска потпишаа договор за донација во висина од 5.432,- евра.

Во училиштето учат вкупно 660 ученици во 33 класа, кои се образуваат за електротехнички струки.

Со овој проект Амбасадата го финансира опремувањето на кабинетите по наставните предмети физика и електроенергетика, а подобрувањето на условите и можноста од практична настава ќе влијае позитивно на квалитетот на наставата како и на мотивацијата на учениците и наставниците при предавањата.

Финансиската поддршка на мали проекти од буџетот на Министерството за надворешни работи на Сојузна Република Германија има за цел поттикнување на социјалниот и економскиот развој на земјата-домаќин.