Цел:
Целта на малите проекти е унапредување на социјалниот и економски развој. Нивната задачата е директно да одговорат на основните потреби на социјално послабото население.

Општо за тоа какви проекти се погодни да добијат финансирање:
Проекти, кои се корисни за општините, на пример: снабдување со вода за пиење, опремување на училишта или болници, набавка на општо-корисни уреди за заедничка употреба.

Примери за мали проекти:

Во инфраструктурата:

• набавка на инклузивни реквизити за детски игралишта
• опремување на доброволните противпожарни друштва (заштитна облека, уреди)
• набавка на пумпа, генератор, бормашина, преса за глинени цигли, моторни пили, дребонг или уреди за заварување. 

Подобрување на приходите и исхраната (особено во земјоделството) и заштита на околината:

• набавка на професионални уреди за чистење (на пример: набавка на индустриска машина за миење садови во домовите за стари лица/ за лица со попречености)

Здравство и санитарни установи

• набавка на медицински уреди / фрижидери за чување вакцини / уреди за дестилирање вода / уреди за анестезија и реанимација
• набавка на кревети во домовите за стари лица / болниците, домовите за згрижување деца / детските градинки
• набавка на колички за домовите за лица со попречености 

Училишта и стручно образование

• набавка на мебел / опрема за школска лабораторија / наставен материјал за училиштата, детските градинки
• опремување на работилници / школски училници во стручните училишта 
  
  (Листата не е конечна)

Практични примери за проекти кои не се погодни за финансирање:

• доделување на заем / уплата во револвинг кредитен фонд;
• купување на земјиште;
• опрема како лаптоп/фотокопир и сл. за министерства т.е. државни институции;
• информативни брошури за европски туристи;
• набавка на возило без доволно гаранција за финансирање на последователните трошоци;
• оперативна маса во болница, која служи како точка за првичен контакт кај Германците.  

Предуслови:

• реализацијата на проектот е одговорност на носителот на проектот (набавка, евентуални градежни зафати); локалниот носител на проектот покрива значителен дел од износот од сопствени средства, на пример во форма на работна рака;
• долгорочен одржлив ефект;
• мора да се гарантира дека новите постројки тековно ќе работат и ќе бидат одржувани, а притоа за Амбасадата не смеат да се појават последователни трошоци;
• подносители на барање: локални носители како НВО, групи за само-помош, локални органи, училишта, детски градинки, јавни здравствени установи.

Тек на постапката:

• неформално претставување на проектот и на предвидените трошоци преку формуларот за контакт на Амбасадата;
• доколку проектот влезе во пред-селекција, тогаш претставник од Амбасадата ќе ја посети локацијата на проектот, а носителот на проектот официјално ќе поднесе барање за проект на образец „Барање до Амбасадата“ 
  ! Носителот на проектот задолжително го пополнува ова Барање на германски или на англиски јазик;
• Ако Амбасадата го одобри проектот, тогаш се склучува договор за проект меѓу Амбасадата и Носителот на проектот;
• Носителот на проектот на сопствена одговорност ги реализира мерките;
• Амбасадата го исплаќа износот од донацијата по налог на Носителот на проектот, во зависност од напредокот на проектот, евентуално на рати;
• Носителот на проектот приложува доказ за наменската употреба на средствата на германски или на англиски јазик  (Извештај со отчет за фактичката состојба  и приложување на сметкопотврдите вклучително и оригиналните сметки);
• По завршувањето на проектот, претставник од Амбасадата го посетува проектот.