При постапката за виза за најразлични цели за престој (приклучување кон семејство: кон брачен другар, деца од 16 години кон родители, работна виза за здравствени професии и сл.) апликантите треба да докажат дека поседуваат јазични познавања на А1, А2, Б1, Б2, Ц1, Ц2 ниво, во согласност со Заедничката Европска референтна рамка за јазици на Советот на Европа. Како доказ, уште при поднесување на барањето за виза мора да се приложи јазичен сертификат, кој е издаден врз основа на стандардизиран јазичен испит според „Асоцијацијата на јазични центри за тестирање во Европа (АЛТЕ)”, („Association of Language Testers in Europe (ALTE)”). Информација околу потребното ниво за соодветната цел на престој Ви е достапна во соодветниот информативен лист.

Термини за јазични испити како и информации за содржината и нивото на испитот Ви се достапни телефонски или на веб-страните на лиценцираните институти. Каде и како ќе се изучува германскиот јазик е ирелевантно. Веродостојноста, актуелноста и исправноста на јазичниот сертификат како и нивото на познавање на барателот секако ќе биде проверено од страна на Одделот за виза.

Исто така НЕ може да се прифатат јазични сертификати за делумно положени јазични индивидуални вештини/модули „зборување, пишување, читање, слушање“, туку само јазични сертификати кои ги вклучуваат сите 4 вештини/модули. Ве молиме имајте предвид дека јазичниот сертификат на денот на поднесување на барањето НЕ смее да биде постар од 1 година. Постари јазични сертификати начелно не се прифаќаат.
Сите други сертификати како и потврди од училишта за јазици, кои само го потврдуваат учеството на јазичен курс, НЕ СЕ ПРИФАЌААТ при постапката за виза.

Во Северна Македонија потребната лиценца за спроведување на јазични испити по германски јазик поседуваат следниве институти:
Goethe-Institut (Гете  Институт)
бул. 8 Септември 18-1/5, 1000 Скопје
Тел./факс: +389 2 3121 604
Е-пошта: info-skopje@goethe.de
Интернет

Лиценциран испитен центар на ОСД (ÖSD-Prüfungszentrum) во Тетово
German Language Examination Center
Илинденска 335, 201.01/4, 1200 Тетово
Моб.: +389 71 784 185
Е-пошта: german.language@ecenter.com.mk
Интернет

Училиште за јазици ЛингваЛинк
Васил Ѓоргов 33, 1000 Скопје
Тел./ факс:  +389 2 322 57 55,  +389 2 322 2189; моб.: +389 75 328 855, +389 70 212 129
Е-пошта: LinguaLink@on.net.mk , lingualink2002@gmail.com
Интернет

ПЛУС Едукативен центар
Ѓорги Поп Христов 4/локал 1, 1000 Скопје
Тел.: +389 72 585 171
Е-пошта: plus-edu@hotmail.com
Интернет: https://www.pluseducationcenter.com

При постапката за виза ВАЖАТ и СЕ ПРИФАЌААТ САМО јазичните сертификати од следните лиценцирани институти, без разлика дали се издадени во Република Северна Македонија или во друга земја: 

• Гете Институт - Goethe-Institut e.V. (GI),
• Здружение на австриска јазична диплома за германски јазик - Verein Österreichisches Sprachdiplom Deutsch (ÖSD),
• телк доо - telc gGmbH (TELC) – освен јазичните сертификати издадени од испитните центри во Србија,
• Европски конзорциум за сертификат за познавање на современи јазици - European Consortium for the Certificate of Attainment in Modern Languages (ECL)).

Докази за англиски јазични познавања:
Во рамките на барањата за виза за студиски престој или за Картата за можности може да е потребен доказ за познавање на англиски јазик.
Притоа, може да се прифатат делумно и онлајн базирани јазични тестови.  
Се признава познавање на јазик од следните лиценцирани институции:

• Test of English as a Foreign Language, TOEFL (подетални информации ќе најдете овде
  
• Јазични сертификати што ги нудат институтите што се лиценцирани од „Association of Language Tests in Europe“ (ALTE), тука спаѓаат:

  - Cambridge Assessment English
  IELTS B2 од C1 (подетални информации ќе најдете тука), Cambridge English: First (B2), Cambridge English: First for Schools (B2), Cambridge English: Vantage (B2),
  - Cambridge English: Advanced (C1), Cambridge English: Business Higher (C1), (подетални информации ќе најдете тука)
  - LanguageCert Test of English B2-C1 Computer-adaptive Test, LTE-CAT (подетални информации ќе најдете тука).
  - Trinity College London: Graded Exams in Spoken English, GESE, grades 7-11 за B2 до C1 (подетални информации ќе најдете тука); Integrated Skills in English, ISE 2 & 3 (подетални информации ќе најдете тука).