Регистрацијата за термин во амбасадата е бесплатна и едноставна. Нема потреба, ниту смисла да се ангажираат трети лица за резервацијата. За Ваша сопствена безбедност, не користете ги услугите на посредници, ниту нивните електронски адреси при резервација на терминот. Ако  поради тоа го загубите доделениот термин, ќе мора одново да се регистрирате.

Амбасадата не соработува со ниту една агенција, со никакви посредници ниту туристички агенции.  Таквите посредници што нудат услуги не располагаат со никакви ексклузивни контигенти, ниту пак имаат пристап до термини порано.  
Амбасадата нема можност да ги спречи агенциите да се регистрираат со Вашите податоци ниту пак да ги поништи таквите регистрации.

Ве молиме, не испраќајте самоиницијативно документи до визното одделение - особено не пред да поднесете барања. Овие документи не може да се чуваат ниту да се подредат.

Информативните листови со список на сите потребни документи за поднесување барање за секоја категорија на виза се достапни тука.

Поднесување на барање кај официјалниот давател на услуга ВизаМетрик

• Работа согласно Правилото за Западен Балкан
  
• Професионални возачи (автобус и камион)
• Деташирани работници
• Работа на речен брод
  

За горенаведените категории на визи, барањето се поднесува кај надворешниот давател на услуга ВизаМетрик (Visa Application Center – VAC). Одлучувањето по однос на барањата за виза и понатаму останува да биде единствено во надлежност на германската Амбасада.

Термините може директно да се резервираат на страната на ВизаМетрик.
Кликнeте тука за да одите до ВизаМетрик.

Покрај таксата за виза од 75,00 евра, дополнително се наплаќа и додаток за услугата на ВизаМетрик од 37,50 евра. Овој додаток се плаќа во готово во денари директно на лице место во ВизаМетрик.

Поднесување барање во амбасадата

За следниве категории на визи, барањата се поднесуваат директно во просториите на Германската амбасада во Скопје:

Приклучување кон семејство
За приклучување кон семејство може директно да си изберете термин. Нема листа на чекање за термин.

Откако ќе го изберете терминот и успешно ќе ги внесете податоците, ќе добиете електронска порака со потврда, во која уште еднаш ќе бидат наведени сите детали за Вашиот термин.

Оваа електронска порака ќе Ви се испрати на адресата за е-пошта (email адреса) којашто се ја навеле  при внесувањето податоци.

Отпосле нема да може да се менува веќе внесената адреса за е-пошта.

Ве молиме, побарајте засебен термин за секој поединечен член на семејството.  
Може да се резервира термин шест недели однапред.

Ве молиме, имајте предвид дека регистрацијата во системот за термин не значи дека веќе сте поднеле барање за виза.

За навремено поднесување на барање за виза, обратете се директно до визното одделение по е-пошта. 

На следниов линк може да резервирате термини. 

Квалификуван стручен кадар, картичка за шанси, анализа на квалификации и вработување со исклучително стручно  искуство
За овие категории на престој, подгответе го Вашето барање прво онлајн во нашиот Странски портал.

Во Странскиот портал, визното одделение ќе го провери Вашето барање.

Откако ќе креирате личен профил, ќе го пополните формуларот со барањето и ќе ги прикачите документите, ќе добиете директен фидбек од визното одделение.
Ќе Ви биде пружена индивидуално помош при собирањето и подготовката на документите.

Штом Вашето барање се комплетира, ќе имате можност да го внесете посакуваниот термин.

На терминот, ќе мора да ги донесете со себе во оригинал оние документи, кои се наведени во индивидуализираната чек листа само за Вас.

Веќе не се потребни двојни примероци ниту копии од документите.

Ова поедноставување на постапката им е достапно исклучиво на стручњаците со признато стручно или универзитетско образование (види членови 18а и б од Законот за престој), за баратели на Сина Карта ЕУ (види член 18г од Законот за престој), баратели на Картичка за шанси (види член 20а и б од Законот за престој), баратели кои сакаат да спроведат анализа на квалификации (види член 16д став 6 од Законот за престој), како и баратели кои сакаат да извршуваат работа за која веќе имаат големо професионално искуство (член 19ц став2 Закон за престој во врска со член 6 од Закон за вработување).
Линкот до странскиот портал ќе го најдете тука.

Други работни дејности, престој за образовни и други цели
Можете директно да го изберете терминот што го сакате. Нема листа на чекање за термин.

И тука важи истото: Ве молиме, проверете ги Вашите лични податоци пред да го резервирате терминот.

На адресата за е-пошта што ја користите, ќе Ви биде испратена порака со потврда.

По направената резервација на терминот, нема да може да ги смените Вашите податоци.

Во оваа категорија влегуваат следниве цели за престој:

• практика
• бебиситери (Au-Pairs)
• доброволна цивилна служба
• образование и доустручување како и барање на образовно место
• студирање на факултет и барање на место за студии 
• Истражување
• работна дејност во постапка на признавање 
• самостојно извршители на дејност и фриленсери 
• повторен влез во државата 

Термините може да се резервираат на следниов линк.

Контингент за краткорочни вработувања

Може директното да ги изберете посакуваниот термин.
Нема листа на чекање за термини.
Термините може да се резервираат на следниов линк.

Забрзана постапка за стручен кадар
Барателите во забрзаната постапка за стручен кадар согласно член 81а од Законот за престој, ќе добијат термин директно од Амбасадата. Не е потребно барателот да се регистрира во системот за термини.

По уписот, ќе добиете порака со потврда за успешно направениот упис.
Ве молиме, редовно проверувајте ја папката СПАМ.

Ако барателот дојде без да има термин или надвор од потврдениот термин, нема да му биде дозволен пристап до визното одделение.