Willkommen auf den Seiten des Auswärtigen Amts
Забрзана постапка за стручна работна сила (§ 81a AufenthG)
Забрзаната постапка за стручна работна сила значително ја скратува постапката за признавање и за издавање на виза и може да се користи за:
- Стручна работна сила со средно стручно образование
- Стручна работна сила со академско образование
- Високо квалификувани лица (сина карта ЕУ)
- Научни истражувачи/научници
- Стручњаци на раководна позиција
- Стручно образование и стручно усовршување
- Стручна работна сила од областа на информатичката технологија без високо образование
Следните информации односно чекори се важни:
- Вие го овластувате идниот работодавач/образовна институција да започне забрзана постапка за стручна работна сила во соодветната Служба за странци во Германија. Примерок на полномошно можете да најдете тука.
- Службата за странци го советува Вашиот иден работодавач/образовна институција, го поддржува во спроведувањето на постапката за признавање на квалификацијата стекната во странство и ја прибавува согласноста од Сојузната агенција за вработување. Службите надлежни за признавање на стручното образование и Сојузната агенција за вработување се должни во одреден рок да постапат по Вашето барање.
- Кога сите услови се исполнети, Службата за странци издава документ т.н. Претходна согласност (Vorabzustimmung) и Вашиот работодавач има обврска да Ви ја препрати. Во овој документ e наведено кои документи биле проверени во копија и истите мора да бидат доставени во оригинал во Амбасадата при поднесување на барањето за виза.
- Вие ги собирате и поднесувате документите во порталот за дигитално поднесување на документи (како што е подолу опишано) и на терминот за разговор ги носите само оние документи, што мора да бидат приложени во оригинал.
- Членовите на Вашето семејство ги подготвуваат потребните документи во согласност со нашите информативни листови. За жал, Вашите членови од семејството сè уште не можат да го користат порталот за дигитално поднесување на документот за спојување на документите. Но, тие може да дојдат заедно со Вас на терминот.
- По правило, Вашето комплетно поднесено барање за виза се решава во рок од 3 недели.
- Таксата за забрзана постапка за стручна работна сила кај Службата за странци изнесува 411,- евра. Дополнителни трошоци се: таксата за апликацијата за виза од 75,- евра, како и трошоци за постапката за признавање на стручното образование.
Повеќе информации ќе најдете и овде.
Барањето за виза со Вашата претходна согласност за забрзана постапка за стручна работна сила ја подготвувате онлајн во порталот за дигитално поднесување на документи. Визниот оддел Ви дава индивидуална повратна информација за Вашето барање, за кога ќе дојдете на првичниот термин да ги носите само потребните документи во оригинал.
Формуларот за поднесување на барањето може да го пополните директно во порталот за дигитално поднесување на документи и да ги прикачите сите потребни документи.
Таксата изнесува 75,00 евра и се плаќа лично, кога ќе дојдете. Таксата може да биде платена само во готовина со евро-банкноти (монети не се примаат) или со кредитна картичка.