Измени од 01.07.2025 -  Укинување на постапката за жалба по одбиена виза

Би сакале да Ве информираме, дека нема веќе да може да се поднесе жалба против решенијата за одбивање на виза, коишто ќе се печатат од 01.07.2025 година. 

Жалбите пред Амбасадата немаат никакво правно дејство и веќе нема да може да се обработуваат. Веќе нема да добиете потврда за прием, ниту пак ќе се одговара на прашањата за статусот на жалбата, која се однесува на решение за одбивање донесено од 01.07.2025 па натаму. 

Единствен исклучок: ќе се дообработуваат жалбите по решение за одбивање кои биле донесени пред 01.07.2025 г. 

Опции по одбивање на барање за виза

По одбивањето на барањето за Виза, имате две опции:

1. Во секое време може да поднесете ново барање за виза што повлекува трошоци. 
   Во ова барање за виза треба одново да ги приложите сите релевантни документи и докази. Ова барање за виза ќе се проверува неутрално врз основа на важечките законски прописи. 
2. Може да покренете тужба пред Управниот суд во Берлин против решението за одбивање, што повлекува трошоци. 

За оваа цел може да ангажирате адвокат; но немате обврска за тоа. Следствено може да настанат специфични трошоци за надоместот на адвокатот. 
Судот ја утврдува конечната висина на судските трошоци. Таа се раководи според бројот на посакуваните визи. 
Повеќе информации имате на веб страницата на Управниот суд во Берлин.  

Информации за тужба 

Откако ќе бидете информирани за решението за одбивање на барањето за виза, можете да покренете тужба пред  Управниот суд во Берлин. 

На решението за одбивање имате правна поука. Ве молиме, останатите детали да ги земете од оваа обврзувачка правна поука. 

Типично, рокот за покренување тужба изнесува (1) месец од обелоденувањето на соодветното решение. 

Понатаму укажуваме дека јазикот на судовите е германски (член 184 од Законот за судовите).

За жал не може да се даде податок колку би траела судската постапка. Судот одлучува за точното времетраење и текот на судската постапка.

Овој лист служи исклучиво да Ви даде необврзувачки информации и не гарантира исцрпност. Ако имате потреба, информирајте се самостојно за информациите содржани во овој лист.